حواديت اطفال قبل النوم- حدوتة أسنان الديه نوسه - العاب اطفال- قناة كتاكيت عالم الاطفال

 حدوتة النهاردة مناسبة من سن سنتين فأكثر ...

 هدفها حث الاطفال للمحافظة علي اسنانهم 😀😀

حدوتة النهاردة .....( أسنان الدبة نوسة )

كان ياما كان .....كان في زمان دبة صغيرة و جميلة اسمها نوسة ..🐼🐼...و في يوم من الايام صحيت نوسة علي الم شديد في اسنانها .....فضلت نوسة تعيط و تنده علي مامتها ....😯😯

مامتها قالتلها اهدي بس يا نوسة.....😭😭و افتحي بوقك اشوف في ايه اللي بيوجعك ....... مامتها شافت سنة من اسنانها لونها غامق عن باقي الاسنان ....😨😨 قالتلها الظاهر يا نوسة ان في سنة عندك مسوسة و هي اللي عملالك الوجع دة 

احنا لازم نروح لدكتور  الاسنان ....دة دكتور كويس اوي .....😳😳 راحت نوسة للدكتور الدب اسمه اوسة ....و اول ما شاف اسنانها قالها .....الظاهر يا نوسة انك بقالك فترة مش بتهتمي بنظافة اسنانك و مش بتغسليها بالفرشاة و المعجون ......😩😩 و بتاكلي حلويات و حاجات مسكرة كتير 

هزت نوسة راسها و قالتلوا فعلا انا بقالي فترة بكسل اغسل اسناني بعد الاكل .....🐻🐻و مبقتش مهتمه بيها خالص ......و باكل عسل كتير فعلا انت عارف يا دكتور ان الدببة بتحب العسل ....🐼🐼

قالها عارف يا نوسة بس كان لازم تغسلي اسنانك كويس بعد الاكل .......😕😕 و خصوصا قبل النوم ...... لانك لما مبتغسليهاش بعد الاكل ...بواقي الاكل بتلزق علي اسنانك.....😞😞 و دة اللي بيخلي السوس يبدأ يأكل في الاسنان و يكسرها فأسنانك طبعا توجعك بالشكل اللي انتي فيه دلوقتي ......😷😷 

بدأ الدكتور أوسة ينظف لنوسة سنتها اللي بتوجعها  و يعالجها ......😢😢 و لما خلص ....فضل يأكد علي نوسة انها لازم تغسل اسنانها كويس بعد كدة بعد الاكل علي طول بالفرشاة و المعجون  .......😯😯 و الا كل فترة هيحصلها اللي حصل دة تاني و سنة تانية من اسنانها هتسوس برضه 😰😰  و هتيجيلوا تاني علشان يعالجها 

ردت نوسة بخوف ......لا يا دكتور  انا خلاص ههتم بتنظيف اسناني بعد كدة  علي طول ......😊😊

خرجت نوسة من عند الدكتور  و هي بتغني و بتقول ....عندي فرشاة اروبة ليها شعر صغنون ..😂😂...و معاها انبوبة بتطلع معجون .....اخد من دة علي ادي و انظف اسناني ......الصف الفوقاني من فوقه لتحتيه ...☺☺..و الصف التحتاني من تحتيه لفوقيه  

فرحت مامتها بيها جدا و قالتلها برافو عليكي يا نوسة انتي دبة شاطرة  .....🐻🐻 

ضحكت نوسة و قالتلها ياااااة يا ماما الوجع بتاع سنتي كان فظييييع .......انا لازم احافظ علي اسناني طبعا علشان  متسوسش تاني ابدا و هغسلها علي طول بالفرشاة و المعجون 😊😊

و توتة توتة خلصت الحدوتة 

يلا بسرعه اشتركم بقناتنا كتاكيت عالم الاطفال باليوتيوب علشان توصلكم حواديتنا و  علي طول ☺☺